404
نعتذر , لا نستطيع ايجاد الصفحة المطلوبة
  • العودة الى الصفحة الرئيسية
  • ❤كل عسير إذا استعنت بالله فهو يسير❤

    20‏/4‏/2018

    بسم الله الرحمن الرحيم 




     
    اقروا كلامي دا للأخر ياريت








    مبدأيا كدا باقي 28 يوم علي الإمتحانات 

    يعني يحصل فيهم معجزات والله وكلام صدق ومش هقولك عن تجربة 
    لأني انا واحد من الناس مكنتش بزاكر إلا الأيام اللي بين الإمتحانات ويعني كانت بتصيب يا تخيب بس اكتشفت فعلا إن او اي حد يقدر يفهم دا إن عقلنا أنضف حاجة ربنا خلقها فينا بس لو نستخدمة في الصح وبالإيجاب يعني لو استهديت بالله كدة ونويت واتوكلت علي الله هتوصل للي انت عايزة
    انت عندك 7 مواد 

    محاسبة

    سهلة ومحتاجة فهم وتدريب كتير ع أنواع المسائل 
    اقتصاد
    أسهل من الترم الأول

    موارد
    سهلة سهلة جدا 

    سلوك

    لو فاهم نفسك وشخصيتك جدا وشخصية اللي حواليك هترتاح في المادة بجانب الطابع الإداري

    رياضة

    محتاجة جهد وحفظ قوانين وفهم طرق الحل وامتي نحل بالقانون دا في الحالة دي 

    سياسة

    مادة سهلة و محتاجة فهم مش اكتر ودا هيساعدك علي الحفظ بسهولة

    لغة
    حابب تزاكرها دلوقتي وتبص عليها تمام ولو وعارف  إنك تقدر تلمها ف الآخر تمام برضة

    معلش طولت في الكلام


    نيجي بقي ازاي نزاكر قبل دا كلة وسيبك من الكلام اللي فوق دا اسأل نفسك ربنا راضي عليك ولا لأ  

    طبعا الإجابة سهلة وعندك انت 
    وإتأكد لو انت راضي ربنا وحقوقة عليك كاملة 
    وقتها اتأكد إن ربنا عمرة ما هيسيبك ومش معني انك بترضي ربنا مترضيش نفسك 
    واحنا في مرحلة تاني شئ نشتغل علية بعد رضا ربنا هو طريقك اللي ماشي فيه بقالك 12 سنة 
    خليك جدع وراجل كدة وكملة للآخر عشان ع الأقل ترضي نفسك وتفرح أهلك 

    نيجي بقي للمهم ومعلش تاني طولت عليكم
    معاك 28 يوم

    استبعد منهم ع الأقل 4 ايام لأول مادة هتمتحنها
    معاك كدة 24 يوم
    وعندك 7 مواد أكيد فيهم مواد إلكتروني 
    ودي حاجة حلوة ومش محتاجة جهد كبير قراءة بفهم وتركيز هتظبط الدنيا
    عندك 3 مواد عملي بالكامل محاسبة ورياضة 

    وواحدة عملي ونظري شوية هي إقتصاد
    و3 نظري سياسة وموارد وسلوك 
    واللغة لو حابب تزاكرها مفيش مانع هتقدر تلمها ايام الإمتحانات تمام
    لو هتمسك مادة عملي مع مادة نظري وليكن
    محاسبة مع سياسة
    رياضة مع سلوك
    اقتصاد مع موارد 


    بكدة هتقدر نزاكر فصل عملي مع فصل نظري
    او فصلين نظري مع فصل عملي والعكس 

    علي حسب عدد الفصول ف كل مادة وقدرتك انت
    ومفيش مجهود ووقت مش كتير خالص

    لو تخصص 8 ساعات يوميا من 24 ساعة
    متخيل كدة معاك 16 ساعة باقية
    علي الأقل 7 ساعات نوم
    كدة معاك 9 ساعات تقدر تعمل فيهم أي حاجة انت عايزها ومتضيعهاش في الفاضي 
    وياريت ياريت النوم يكون بالليل من الساعة 9 ل 4 الفجر مثلا تقوم تصلي ركعتين قبل الفجر وتصلي الفجر 
    وتدعي لنفسك وللمسلمين وادعيلي معاك ههههه
    😀😆
     وابدأ زاكر للساعة 8  مثلا إفطر فطار خفيف كدة وخد راحة ساعة مثلا وكمل لغاية الضهر 
    وقسم وقتك بقي حسب الوقت اللي بتحب تزاكر فيه 
    بس بالنسبالي افضل وقت الفجر وبعد العصر
    انا معرفش عندكوا كام فصل في كل مادة 

    بس بالتقسيمة اللي انا مقسمها
    قدامك تزاكر كل مادتين في 8 ايام 
    ودا وقت كافي جدا والله انك تخلص وتجيب تقدير كويس 
    ظبط انت بقي جدول جميل زيك كدا
     😊😀
     يارب يعينكوا ويوفقنا جميعا 
    لو حد محتاج أي مساعدة 
    أو حد مش عارف يعمل جدول يقسم فيه المواد يعمل كومنت بعدد الفصول في كل مادة 

    بكدة أكون خلصت كلامي 

    زاكروا يا شباب الله يوفقنا 

    ومتنساش حق ربنا عليك أهم شئ قبل أي شئ 



    معلش طولت عليكم
    ☺❤



    بالتوفيق للجميع يارب إن شاء الله 

    18‏/4‏/2018

    بسم الله الرحمن الرحيم 



    -دي المحاضرة الأولي لمادة الحاسب الآلي 

    -المحاضرة متخططة في الكتاب 
    -الإمتحان مقالي




    المحاضرة

    العناوين دي للقراءة فقط
    *ما هو الحاسب الآلي 
    *متي يسمي الجهاز حاسب آليا 
    *تاريخ تطور الحاسب الآلي 

    ____________________________
    عناوين هامة

    ☆أنواع الحاسبات☆
    تصنف الحاسبات طبقا لما يلي 
    ❎من حيث نوع البيانات 
    ❎من حيث الغرض من الاستخدام 
    ❎من حيث الحجم 


    أولا
    من حيث نوع البيانات
    *تصنف الحاسبات من حيث نوع البيانات إلي ثلاثة أقسام
    1-الحاسبات الرقمية(Digital computer)
    2-الحاسبات التناظرية(Analog computer)
    3-الحاسبات المهجنة(Hybrid computer)

    ثانيا
    من حيث الغرض من الاستخدام 
    1-حاسبات عام الغرض(General computer)
    2-حاسبات خاص الغرض(Special computer)

    ثالثا 
    من حيث الحجم 
    1-حاسب مصغر دقيقة(Micro-computer)
    2-الحاسبات الصغيرة المتوسطة(minicomputer)
    3-الحاسبات الكبيرة المركزية(mainframe)
    4-الحاسبات العملاقة(super computer)






    ☆مكونات الحاسب الآلي☆
    يتكون الحاسب الآلي من مكونين اساسيين وهما

    المكون المادي(Hardware)
    -وحدات التخزين
    -وحدات الإخراج 
    -وحدات النظام
    -وحدات الإدخال 


    المكون المعنوي(Software)
    -برامج النظام
    -برامج التطبيقات
    -برامج البرمجة



    تخطيط المحاضرة في الكتاب 















       بالتوفيق إن شاء الله 
    جميع الحقوق محفوظة ل طلاب تجارة أسيوط
    تصميم : Mohamed mahmoud